كنت بتحامى في ضلك تحت شمسي

و غلاوتك عندي اللي ماعندك زيها ..

أنا هتعلم القسوة منك مانا اصلي مليت منها..

مش معنى رضاي أعيش في ضلك انك شجرة وانا عايش في ضلها.. 
و إن كنت شجرة فهي واقفة في مغرب الدنيا و فاكره حمياني من شمسها

ضحًكت الناس عليا بتحامى وقت مغرب في ضل شجرة مش مكفية نفسها

والنهاية تيجي ببساطة يوم ما الشمس تقوى ترميني في عز حرها ؟!

دي حتى الشمس غروبها قرب وساعتها هتفهم كان قربي ليه ..

و إنك كنت صعبان عليا أسيبك تايه في ضلمتك وحيد .

كنت بسندك وأعمل نفسي بتحامى فيك..

خوفت اكسر جواك غرورك في وقت كان سهل استقوى عليك.
.
عمري ماحسبت مين بيتحامى في مين كان كل همي أبقى ديما مطمن عليك..

النهارده كسرت فيا كل حاجة حلوة حسيتها ليك ..

من النهارده أبدأ أحسب ايه عليك و ايه اللي ليك

النهارده انكسر إحساسي بيك

قسوة قلب من كان ضعيفا امام دموع من ظن أنه قويا

عندما يجرحك إنسان تعودت في حياتك أن تجري اليه عندما تكون مجروحا ،، ثم تفاجأ به يتجاهل جرحه لك .. تكون أكبر مشاكلك انك لا تجد أحدا تجري اليه لتشتكي و تضطر أن تقنع نفسك أنه خطأ غير مقصود و تذهب على استحياء لتجلس بجواره و تقنع نفسك أنه يشعر بك و أنه في لحظة ما قادمة سينظر إليك ليتأكد انك بخير.. وفي انتظار هذه اللحظة ستظل أنت معلق النظر به و هو يتمادى في تجاهلك وأنت تختلق مزيدا من الأعذار وكلما تأخرت لحظة اهتمامه كلما تضاءلت أنت داخل نفسك .. الغريب أنه يشعر بكل ما يدور بداخلك و يتمادى في كسر نفسك ليزهو بنفسه و بضعفك بجواره ولا يدرك أنه يستمد قوته من نظرتك اليه. و أنه لا يتمتع حتى بالذكاء الكافي ليفهم كم هو كبيرا داخلك .. لا تنتظره كثيرا و اختفي من حياته تجده يجري عليك ليسألك اين كنت .. حينها فقط تأكد أنك أنت مصدر القوة في هذه العلاقة بضعفك أمامه.. السؤال الذي طالما سألته لنفسي لماذا نستعرض دائما قوتنا أمام من لا يحتاج مننا سوى الشعور بوجوده و احترام حدود ضعفه.. لماذا لا نقابل هذا الضعف بالاحترام و الحب .. دائما تكون النهاية في قسوة قلب من كان ضعيفا امام دموع من ظن أنه قويا 

احلام في احلام

يا زمن الحلم فيك بقى حلم .. هبدأ بأي حلم؟
أحلم أكون إنسان بيحلم ؟
ولا أحلم بحلم يخليني إنسان؟ ..
 أحلام في أحلام في دنيا أتمليت أوهام ..
وأصبح الحلم بينتهي اخره في منام ..
طب العيب في مين ولا مين ..
العيب في زمن ماشي بضهره ولا في واحد الزمن هرى قفاه .. 
أحلم يابن آدم جايز في مره تبقى إنسان حلمه بيجي على هواه

لست أنا من مسلمات حياتك

لا تجعل ثقتك في وجودي دائما بجانبك تقلل من اهتمامك بما أشعر به و تتخيل إني من مسلمات حياتك وان هذا ضعف مني .. فيوما ما عندما أشعر ان وجودي لحمايتك لا يحمي سوى احتياجي لك سابتعد أنا حفاظا على حبي لك .. خيرا لي ان أبكي على حب بعيد على ان أبكي على قرب يهين إحساسي بك.. 

ردا على كلمة تقولها داخلك الآن .. نعم سأرحل ذاهبا لمن يحتاجني.. و تكيف أنت مع غبائك فأنا لا أتمسك بالاغبياء.. انتظر رؤيتك تائها بجوار شخص آخر لا يقدر أيضا احتياجك له .. في هذه اللحظة فقط تذكر كلماتي واجعل دموعك نهاية لذكريات دمرتها باستهانتك بضعفي أمامك   

كل ما كنت احتاجه منك ان تقدر كم أنت مهم لأشعر بأنفاسي. اليوم فُطمت من احتياجي لك 

سأظل أحلم حتى تنتهي الأحلام

مع كل صباح جديد كنت أتمنى ان يكون يومه تكملة لحلم كنت أحلمه .. للأسف كل مرة كنت اكتشف ان الصباح الجديد معناه ان حلمي قد انتهى و اني مخير ان أقضي يوما جديدا أو ان أبكي على حلمي الذي لم أكمله.. بمرور الوقت بدأت افقد القدرة على الاحلام خوفا من لحظة انتهائها ..

 هذا الصباح اكتشفت أنه كان لابد ان أكمل أحلامي وان اختطف ساعات نومي لأحلم ما أشاء.. تبا لأي صباح يأتي مغتصبا لأحلامي .. سأحلم دوما بغد يأتى مكملا لأحلامي و حتى يأتي هذا اليوم عزيزي اليوم أعلم أنه إذا لم تأتي مناسبا لرغباتي وأحلامي فحينما يأتي موعد نومي يعني هذا انك انتهيت إلى الأبد بكل ما فيك لأكمل حياتي مع أحلامي التي تركتها في الصباح على أمل ان تشاركني تحقيقها ... أحلامي هي حياتي التي أرسمها .. كل صباح رسمة جديدة لن يأتي مثلها مرة أخرى و لن اسمح ان تنحصر حياتي في سبعة أيام تتكرر كل سبعة أيام.. سأظل أحلم حتى تنتهي الأحلام

حياتي.. نَفسٌ واحد

قليلة هي المسلمات في حياتي فأنا دائما مقتنع انه لا يوجد مسلمات و ان هذا اللفظ انما قاله رجل ما في قديم الزمن عندما وصل لاقصى درجات المحاولة لحل مشكلة ما وعندما وجد انه مجبر على الخنوع لهذه المشكلة و تركها تتحكم به استسلم لها ومن هنا اصبحت هذه المشكلة او الامر من المسلمات .. لهذا عندما نتعرض لمثل هذه المشكلة نستسلم من البداية ونعطيها الحد الأدنى من المجهود ايمانا منا انها من المسلمات.. الأكيد انه ان حاولنا معاها سنقلل من تحكمها فينا و احتمال ان نتخلص منها كواحده من المسلمات الوهمية..  اميل اكثر لأن المسلمات هي مسلمات الشخص النابعة من معتقداته و ليست بالضرورة ان تكون مسلماتك كمثل مسلماتي!!

واحده من مسلماتي و معتقداتي  هي  نظرية ( نَفَسْ الرَوح) .......

 و النفس في العلوم الطبية هو عبارة عن عملية شهيق تقوم في بسحب اكبر كمية من الاكسجين من الجو المحيط بك .. يعقب ذلك عملية الزفير وهي لها الكثير من التعريفات ولكن مغزاها انك تتطرد الهواء المحمل بثاني اكسيد الكربون من جسمك لأنك لا تستطيع تحمله .. حياة الانسان علميا هي تكرار لهذه العملية حوالي 20 مرة في الدقيقة.. هذه من المسلمات العلمية و كلنا درسناها

 بالنسبة لي و كمسلمة اساسية في حياتي ان حياة الانسان   هي نفس واحد فقط يبدأ يوم مولده و يستمر طيلة حياته ليخرج يوم مماته .. وهذا الاعتقاد مريح لي إلى حد ما لأني اشارك في صنع هذا النفس و لست مجبرا عليه لأعيش .. فانا هنا انتقلت من ان يكون توقفي عن التنفس المستمر طيلة الحياة سببا لمماتي إلى  ان يكون موتي متسبب في مجرد انقطاع نفس واحد اعتقد انها اسهل و ابسط من النظرية العلمية!!

الاختلاف ايضا في اني اشارك في صنع هذا النفس بحياتي اليومية فأنا بأفعالي و مشاعري اتحكم في كمية الهواء الداخل و المجهود المبذول لدخوله و كم منه استخدمته و حرقته وكم منه تركته للغد حتى يكون لأني لا اضمن ان اجد هواءا نقيا غدا.. هذه النظرية هي المتحكمة الأولى والأخيرة في كل حياتي..

فدائما اقابل الحياة والمواقف مستنشقا كل ما فيها محاولا أن استمد من كل ما حولي اكثر كمية من التفاؤل , الاحساس , الافكار و غيرها.. هذا ايضا اختلاف اخر ففي نظريتي ليس بالضرورة ان تتنفس هواءا إنما انت تتنفس ما تريد 

دائما احاول التفكير بتأني في المواقف الصعبة و ان اتنفس بهدوء حتى لا استنشق ما قد يؤلمني و يجرحني .. انا شخص أؤمن أن الحزن هو ايضا يحتاج أن يتنفس و مكونات تنفسه ( ذكرى و موقف و حلم يضيع ) ان وفرت له الثلاثة معا استطاع التنفس بل من الممكن ان يسحب منك مكونات تنفسك .. لذلك عندما اتعرض لموقف صعب احاول التوقف قليلا عن التنفس مكتفيا بمخزوني القديم من التفا}ل و الاحساس بالدفئ و انتظر حتى يموت الحزن مختنقا و حيناها ارحب مرة اخرى بأنفاسي .. 

لا تنتظر مني ان اقوم بشرح النظرية كلها لك يا هذا انها مسلماتي انا.. اصنع لنفسك واحده .. سأعطيك خط واحد عريض يساعدك على .. حياتك نفس واحد حٌكم عليك ببدايته ونهايته و تٌرك لك ما بينهما فاستغله جيدا و استمتع بكل لحظه فيه حتى لا تعيش حياتك كلها تلهث للحصول على هواء روحك

Massar Egbari & Mohamad El-Halabawi - Mersal Lehabebti

اهتم به قليلا قبل ان تفتقده بعد بعده كثيرا ..

اتعجب من أحوال البشر يصورون لك ويتخيلون معك انهم يستوعبون كل ما يدور داخلك و انهم يتفهمون المك من معاملة الناس لك بقليل من الاهتمام .. ثم تجدهم شيئا فشيئا يبعدون و يكملون حياتهم و كأنه خلطوا معنى الفهم و التفهم !! قربك مني لا يقتضيه فهمك لقواعد حياتي و إنما ان تتفهمها و تعاملني بها أو ان تبتعد عني شاكرا انا لك لحظات تخيلت أنا فيها أنه هناك أخيرا من يؤمن بأهمية أن تشعِر من أمامك بمكانته عندك إن كان مميز عن الآخرين أو مثلهم أو حتى أقل منهم حتى تستطبع ترتييب أولوية الناس في حياتك.. ليس المقياس بكثرة الكلام أو الخروج أو حتى تحمل المشاكل سويا.. إنما أقرب وصف لها ان تترك روحك تتعامل على سجيتها مع من ترتاح معه بدون قيود منك .. اجعلها تذهب لمن تحتاجه بجوارها.. السعاده في الحياة ليست بكثرة المعارف و التفاف الجميع حولك لمجرد تمضية الوقت.. إنما هي في أقل عدد من الأشخاص الذين ترتبط بهم بحبل قوي من المودة والاهتمام والخوف والقلق و كثير من الأحاسيس التي لا تتواجد في العلاقات العامة الواسعة..وجودك بقوة في حياة شخص أهم بكثير من تواجدك في دائرة واسعة .. على الأقل غيابك من حياة شخص واحد سيكون رد فعله توقف حياته بحثا عنك اما في الدوائر الواسعه غيابك يعوضه شخص آخر غيرك.. ليس معنى ذلك ان تبتعد عن هذه الدوائر بالعكس لا تستقيم الحياة بدون هذه الدوائر الاجتماعية.. إنما اجعل أولويتك لأشخاص يهتمون بك و يحرصون على حلقة الوصل بك لا بدوائر يكون معظم الاهتمام موجه لتكوين الدائرة بغض النظر عن أطرافها.. لا تخسر مكانتك في حياة من هو مهم في حياتك و وجودك يعني له الكثير من أجل فرحة وهميه بدائرة بك أو بدونك ستكون موجودة .. أعطي كل جزء في حياتك اهتمام يتناسب مع حجم هذا الجزء داخلك 

في صباح بيحلى بشمس زاهيه و سما صافيه .. و صباح بيحلى بخبر جميل.. و صباح بيبقى حلو من ليلته زي ليلة العيد.. ده صباح كل الناس .. لكن في صباح بيبقى حلو عشان بتبقى قاعد مستني حبيبك يصحى و تسمع صوته أو على الأقل تحس ان صباحكم بقى واحد.. يا رب يسعد صباح كل أيامنا :)  

حدوتة الدنيا

نهاية كل حدوتة هي بداية حدوتة تانية .. مع كتر الحواديت مش هتعرف تفرق البدايات والنهايات .. لكن هتفرق الحواديت باللي معاك فيها.. اللي هيزعلك لما تيجي بالصدفة تركز تكتشف ان في حدوتة خلصت وبطلها مشي وأنت لوحدك في حدوتة جديدة ومتبقاس عارف تفتكر حدوتك القديمة خلصت امتى .. هي دي الدنيا ببساطة ناس بتيجي و ناس بتروح وأنت واقف تتفرج على حواديت ورا حواديت 

لما تحس ان الحدوته بتخلص .. تخيل أغنية للتتر و ابدأ افتكر أحلى حاجات حصلتلكم .. و أمشي قبل التتر مش لازم تشوف النهاية بعنيك!! في اللحظة دي كل دقيقة و كلمة زيادة هتنسيك حاجه حلوة بينكم أمشي وهي جواك متسيبهاش تاخد حبها منك.. سيبها و ابعد و كفاية تكون سبب ابتسامتك لما تفتكرها بذكرى حلوه.. 

نصيحة اختار أغنية حلوه للنهاية، في يوم هتبقى هي الذكرى الوحيدة لكل الحدوتة 

لماذا نتخيل أحيانا ان الشعور بالهدوء الناتج عن عدم مواجهة أنفسنا بالصراع الدائر داخلها هو هدوء الانتصار..فاعطاء ظهرك للمواجهة لن يربحك سوى ضربة قاتلة .. ستفيق يوما لتجد نفسك قد خسرت كل شيء في هذا الهدوء الوهمي الذي رسمته لنفسك.. استمر في إعطاء نفسك مبررات وهمية كهدوءك الوهمي حتى تخسر الحقيقة الوحيدة في حياتك أنه هناك من كان يستحق صراحتك و ان يشعر أنه بداخلك 

ماني ناسي - ألحان: أمين وحمزة مرايحي غناء: مروى قريعة

Rima Khcheich لا انت حبيبي - ريما خشيش

ريما خشيش.. الشيالين ل سيد درويش

I adore u <3 3>

الخروج من الغرفة المغلقة.....

لى نظرياتي الخاصة  فى التعامل مع الناس و لى أيضا تحفظات على كثير من قواعد التعامل التى غالبا ما تكون مشتركة بين الجميع. من وجهة نظرى أجد أن تعامالتنا يجب أن تكون مرجعيتها أرواحنا و ليست الأفكار و المسلمات التى كبرنا لنجدها كلها موجودة و جميعنا مضطرين أن نسير عليها والمشكلة أنه لا يوجد من يجبرنا على اتباعها,انما نحن من نجبر أنفسنا.......................

أصبح عندى شعور قوى أن كل أفكارنا كبشر ثابتة ممكن نقول 1000 فكرة مثلا فى غرفة مغلقة وهى عقلنا و عندما يتعرض أيا منا لموقف بكون اختلاف التصرف بين شخص و اخر هو عدد الأفكار و ترتيبها من أصل ال 1000 فكرة و لذلك نجد اختلافات فى التصرفات ولكن بهامش تغيير  بسيط.

لو تخيلنا أن هناك صديقة لك تشعرأنها مهمة جدا فى حياتك و تشعر أنه لا يكفيك مجرد الصداقة المعهودة وأنك تحتاج لوجودها أكثر فى حياتك.

غالبا تكون الأفكار التى سترد فى عقولنا جميعا(ايه الهبل ده_و أنا أعوز كدة ليه أصلا_مينفعش أفولها وحشتينى مثلا,أصل هأقولها كدة ليه_ممكن تفهمنى غلط...........) من الممكن أن تزيد الأفكار أو تقل عن ذلك و لكن التصرف الذى غالبا سنفعله جميعا أن نبدأ نأخذ قرار لنبعد قليلا و أن نبدأ نقنع أنفسنا أنه ليس من حقنا أن نشعر بهذا..............

غريبة هى رؤيتنا للامور و لماذا يجب أن نحسب كل خطوة و كل كلمة قبل ان نقولها و لماذا  حكمنا أنه ليس من حقنا هذا الأحساس...المشكلة أننا نتعامل مع المواقف داخل الغرفة المغلقة و أن هذا التعامل يكون غير مريح أبدا لارواحنا بدليل أنه أثناء اتخاذ قرار البعد نمر بحالات اكتئاب و نشعر بعدم القدرة على تحمل الموقف و دائما يكون مبررنا ما أنا لازم استحمل مينفعش أحس حاجة مش من حقى........

من قال أن ارتباطك بشخص ما ليس من حقك و من قال أن هذا الاحساس منحصر فقط على بدايات محدده ................

دائما أرى ان المواجهة هى أدق طريقة و أسرع طريقة للوصول لنهاية صحيحة.مثلا عندما تشعر أن تحب فتاة هذه الفتاة هى صديقتك و يصبح داخلك شعور و خوف...خوف من أن تصارحها و تكون هى غير مهتمة بالموضوع فتكون النتيجة أن تتوتر علاقتكما و أنه ستبدأ فى البعد عنك تدريجيا لتتجنب النهاية المأساوية.....

أما الشعور فهو أنك دائما ستكون منتظرا منهاأفعال سيأتيك منها أقل كثيرا مما تنتظره لأنك تنتظر أفعال تتناسب مع مقدار تعلقك بها اما هى فتعطيك أفعال بناء على قواعد الصداقة.

لو افترضنا انها غير مهتمة بك ستكون النتيجة النهائية أنها يوما ما ستكون لغيرك و فى النهاية ستجرح انت..أنك أنت أن لم تواجه فستظل روحك تنتقل من ضيق الى ضيق و ستبدأانت في ردود افعال مستفزة, وهي طبعا لن تفهم مبرر لما تفعله لانها لا تشك في الموضوع و تكون بذلك قد عجلت بالنهاية بل انها هنا ستكون البعد والخصام نتيجة افعالك.. افعال الغرفة المغلقة

إنما انت ان واجهت فسيكون هناك فرصة لربما تكون هي ايضا لديها نفس شعورك أو انه لا .. في كلتا الحالتين ستنتهي الحدوتة هنا و دون خصام.

ما اتعجب منه لماذا في هذا الموقف نستخدم أفكار من داخل الغرفة, ونتحمل بقاءنا بجوار من نحب راضيين بمعاملة أقل من احتياجنا و نتحمل تصرفات تجرح أرواحنا.. هل نوهم انفسنا اننا سنستمر على هذا الحال للأبد؟! هنا سيكون تعليق كثير من البنات ( لو يقرا الغبي الكلام ده و يجي يقول و خلصنا ) عزيزتي انت ايضا افكارك من داخل نفس الغرفة.. ان كنت تريدين فعل من خارجها فيجب اولا ان تظهري ما يدل ان رد الفعل لن يكون من داخلها..

كل ما اتمناه ان نخرج من هذه الغرفة وان نتعامل بدون قوالب مجهزة سابقا ولا نعرف من الذي صنعها .. فلتكن افعالنا نابعة من مشاعرنا وليس مصدرها هذه الغرفة التي تقضي على كثير من احلامنا .. لنتعامل روح لورح و ليس عقل لعقل وهنا يجب ان يتغير الملقي و المتلقي فأنا لن اتحمل ان اقول كل ما اشعر به و اتعامل بمقدار حبي لأتفاجأ ان كل اقوالي تنتهك بافكار ليست افكارك فتظلمني ونفسك اولا.. استقبل مشاعري بروحك و رد عليا بروحك ايضا.. لنجعل الحياة بسيطة و حتى لا نضيع الكثير تحت مسمى ( معرفش هو كده و خلاص بس هو مينفعش )..

الحرام هو الشيء الوحيد اللي مينفعش وصدقني حتى هذا الحرام عندما تفعله فلأن افكارك تتحكم في روحك  و تفقدها نقائها .. انما لو تركت روحك متحكمة في حياتك حتى الحرام ستبتعد عنه لأن ربك خلق روحك نقية في الأصل.. و إن كان مبررك انك تخاف ان تكون روحك عرضه للاستخفاف من الناس صدقني من يستخف بقرارات نابعه من روحك لا يستحق معاملتك له .. ربك وهو اعظم ما في الوجود عندما يستدعيك فهو يقبض روحك تاركا جسدك بما فيه غرفتك المغلقة في قبرك فكيف لاحد ان يستخف بما عظمه ربك؟!!

اخرج من غرفة افكارك الان وابدأ في ترك الحكم لروحك ,لا تخاف من قول ما بداخلك , لا تضيع الفرص, لا تخاف من النهايات فهي مكتوبة و مسلم بها لا تتخيل ان صراحتك ستغير النهايات انما هي وسيلة للوصول السريع لهذه النهايات..

ثق و انت تقرأ هذا الكلام هناك شخص اخر يقرأه ويتمنى ان تعمل بكلامي و تذهب لتقول له ما بداخلك.. ندائي ليس لك وحدك انما لهذا الشخص ايضا رجاءا لا تنتظره ..ابدأ انت بنفسك لا تنتظر فالانتظار معناه انك ما زلت داخل الغرفة المغلقة........                                                                                                             

                                                                                                                              

ملحوظة : كل هذا الكلام هو مثال و مغزى الكلام ان تقول كل ما بداخلك لمن تتعامل معه .. اجعل كلامك معيارا لمدى حبك لمن تتعامل معه صديق او قريب او حتى غريب عنك .. لا تلوم نفسك على كلام من وجهة نظرك مينفعش تقوله.. مادام حاسه قوله .. لما تحس حاجة لحد قريب منك و غالي عليك قولها اكيد هتفرق معاه ولو حتى مفرقتش اكيد هيبقى فاهم قصدك

كمان ملحوظة : مش معنى كده انك تلبس نفسك في الحيطة بلاش غباوة .. افهم روحك الاول .... 

اثنان جمعهما حبه و.......

كل حكاية حب بتبدأ بكلمة بحبك و ديما بتبقى الاختلافات في النهاية .. اعتقد ان النهايات برده واحده .. # وجهة نظر..

كان اسمه أحمد , و هي هبه ..

        

بدأت الحدوتة زي  كل حواديتنا اتنين زملاء في الكلية و بعدين بقوا اصحاب و هو بحكم شخصيته بقى حد مهم في حياتها , و هي بحكم ذكائها واللي كان احمد بيقدسوا في اي بنت بقيت من اقرب الناس ليه .. طول عمره كان بيحلم يرتبط ببنت ذكيه يعرف يتناقش معاها و تفهموا من غير ما يتكلم و تقدر بساطته.. بمرور الوقت بدأ احمد يتعلق بهبه جدا و كانت مشكلته معاها انه كان بيحكلها على كل ماضيه و كل مواقفه و غلطاته و كان ديما يقولها انت فاهمة ان الموقف الفلاني مع الشخصية الفلانية ده انا مكنش قصدي فيه كده و انه اتفهم غلط.. بساطة تفكيره وعدم التركيز في الكلام مع تركيز الناس الزايد مع الكلام خصوصا انهم كانوا بيركزوا معاه اكتر بحكم شخصيته الغامضة بالنسبة لهم كانت اساس مشاكله في الحياة.. و كانت ديما هي تقوله انها فاهماه و مقدره اسلوبه.. و ده كان بيخليه يتعلق بيها اكتر , اخيرا لقى حد ياخدها ببساطة معاه .. المهم راح قالها انا بحبك و مشيوا في الطريق اللي كلنا بنمشي فيه هي تقوله انت حد مهم بالنسبة لي بس ممكن يكون اننا متعودين على بعض و هو يشك ان الموضوع ممكن يكون تعود فعلا.. و شوية شوية يلاقوا نفسهم في جوا بعض.. طبيعي كلنا بيحصل معانا كده

بعد ارتباطهم بدأت المشكلة اللي عمر احمد ما تخيلها .. انك تحكي لصاحبتك غير انك تحكي لحبيبتك , و ان صاحبتك بتحلل الكلام بطريقة مختلفة تماما عن حبيبتك.. بدأت مواقف مثلا انه ميكلمهاش 4 ساعات عشان مشغول فتزعل ,يفهمها انه كان مشغول , تقوله انت زمان قلتيلي انك لما كنت بتعمل كده مع حبيبتك القديمة كنت عشان بتكون زهقان منها!!! هنا بدأت المشاكل انه كان بيحكلها كل حاجة و فجأة بقيت هي فاكرة في كل الحكاوي النصف الخاص بالموقف و نسيت تماما النصف الخاص بتبريره هو للموقف وانه مكنش قصده حاجة.. و فجأة تانية بدأت شخصيتها تظهر في تحليل حاجات هو بيعملها من وجهة نظرها و تفكيرها .. و بدأت المشاكل في التشكيك في حبه ليها .. و طبعا بحكم طبيعته ان في مواقف كتير ما بيركزش فيها كان بيحصل مشاكل كتيير و كانت هي بتحلل المواقف بطريقه تظلمه جواها لانها مش متخيلة ان بذكائه دا مبياخدش باله .. و وصلت لمرحلة انها بقيت متأكده ان في غلطات بعملها بقصده و في النهاية وبعد سنة وصلت لتحليل للموقف ان ( احمد مبيحبنيش و انا عجبته كبنت وشاف انه عروسة مناسبة ليه , لكن عدم اهتمامه ده اكبر دليل على انه مش بيحبني)..

بعدها اخدت قرار انها هتسأله سؤال هتحدد بعده ايه هيحصل..

-          احمد انت لما بتحلم لينا بايه كمان 10 سنين ؟؟

-          حبيبتي بحلم حلم  من اول يوم شفتك ان كل يوم  لما اروح البيت اخد بنتنا على رجلي احكيلها ( حكاية الاميرة) .. نفس الحكاية كل يوم .. و في اخر الحكاية هخليها تيجي تسألك سؤال .. عارفه هخال..

-          احمد انا بقولك بتحلم ب ايه تقولي حكاية ..و لما اروح .. هي دي احلامك؟!! دي احلام عريس عايز يتجوز...

-          ممكن تفهميني بس..

-          احمد انا مش عايزه افهم حاجة .... انا من اول الموضوع وانا متأكده انك عمرك ماحبتني و انك من الاول حسبتها بدماغك.. عمتا خلينا نقفل الموضوع ده واحنا غاليين على بعض ..

 بحكم انهم مكانوش حاكيين لحد اللي بينهم مكنش في طرف تالت ممكن يتدخل لحل الموقف او الصلح و دا كان اخر تليفون بينهم... و عدت السنييين 5 سنين

 في يوم بالصدفة احمد قابل واحد صاحبه كان بقاله 4 سنين من ايام الكلية ماقبلوش وقفوا وسلموا و صاحبه عزمه على خطوبته بعد اسبوع .. خطوبته هو و هبه !!

-          الف مبروك يا ريس بس اصل انا..

-          بقولك ايه هستناك كل الناس القديمة هتبقى موجوده ولازم تيجي

-          خلاص حاضر ان شاء الله

 يوم الخطوبة داخل القاعه فجأة همهمات كثيرة و علامات قلق ظهرت فجاة على كل الوشوش .. يا جماعة احمد عمل حادثة وهو جاي و نقلوه المستشفى ادعولوه ..

خلص اليوم و الناس اطمنت على احمد انه بقى كويس بس محتاج عمليه هيعملها خلال اسبوع لما حالته تستقر.. طب الحمد لله .. ارتاحت اعصاب الجميع و عدى اليوم

بعد اسبوع هبه و خطيبها بيزوروا احمد في المستشفى ليلة العمليه بعد اشاعات ان حالته مش مستقره.. وهما قاعدين معاه  دخلت بنوتة بتجري و لما لقيت في ضيوف اتكسفت وجت تخرج .. نادى عليها احمد تعالي يا لوكا .. جت تجري عليه ودخلت في حضنه ..

طبعا بالنسبة لهبة كان الموضوع واضح جدا .. يعني اتجوزت و خلفت يا احمد ؟ و بنت عندها مش اقا من 4 سنين ؟؟ كان عندي حق فعلا في كل حاجة عملتها .. فعلا عمرك ما حبتني .. قطع عليهم تفكيرهم احمد بيصرخ من وجع فجأة و دخل دكتور و ممرضات و ستاذنوا منهم يستنوا في صالون جنب الاوضة بحكم الموقف خرجت هبه و خطيبها و اخدوا معاهم البنت الصغيرة وطبعا كانت بتعيط من الموقف..

دخلوا الصالون وهبه قعدت و اخدت البنت على رجلها وبدات تهديها..

-          انت اسمك ايه يا حبيبتي؟

-          لوكا

-          الله حلو اوي الاسم ده .. عندك كام سنة يا لوكا؟

-          شاورت بايديها 4.5 بطريقه كان احمد بيعملها زمان و كانت هبه بتحبها

-          طنط هو انت صاحبة عمو احمد؟

-          عمو؟؟!! هو احمد مش بابا يا حبيبتي؟

-          لأ عمو احمد اخو بابا عمر يا طنط  ( بينها و بين نفسها هبه : استغفر الله ظلمتك )

-          طنط احكيلك حدوتة ؟؟

-          حدوتة ايه يا حبيبتي؟؟

-          حدوتة اسمها ( حكاية اميرة ) عمو احمد كل يوم بيحكيهالي بس امبارح مش حكهالي L

-          !!!! حكاية اميرة؟؟ طب خلاص احكيهالي يا لوكا

و بدأت البنت تحكي الحدوتة اللي بتتكلم عن ولد حب بنت بس مكنش عارف يقولها  وعشقها كله  لدرجة انها اتخلطت جوه حياته و في كل تفكيره .. و كان الولد كل يوم بيرسم رسمة لبكرة بتخقق زي ما رسمها بضبط .. و كان كل يوم بيسأل حبيبته عايزه نرسم ايه بكرة بشرط تبقى انت البطلة في الرسمة .. كان بيحاول ديما يضمن انها هتكون موجوده بكره معاه . لانه ميقدرش يعيش من غيرها كانت رسوماته كلها  لبكرة باختلاف الرسمة بيبقى الاصل ورقة بيضة مرسوم فيها حبيبته وبعد كده يرسم بكره ده... بس كده يا طنط  تحبي بقى نرسم ايه لبكرة ؟؟

و هنا كانت صدمة هبة .. هو دا السؤاااال يا احمد؟؟؟ طب ليه مقولتليش ساعيتها مكانش كل دا حصل؟؟ طب ازاي انت حبتني الحب ده كله وانا محسيتش بيك؟؟ انا اسفه بجد لحبك ليا ..

تكملة القصة متفرقش معايا كل واحد يخلصها زي ما هو عايز .. النتيجة واحده .. فراق

وجهة نظري اللي كنت اقصدها في اول الكلام ان كل قصص الحب بتبدأ بكلمة بحبك و بتخلص ب وانا كمان بحبك.. الفرق ديما بيبقى في الوقت الفاصل بينهم و الاحداث اللي حصلت يا بتخلي الحدوتة حلوة اوي يإما بتكون اخرتها فراق

كمان حياتنا حدوتة صغيرة لو لقيت فيها حد بيحبك من جواه متظلموش بتفكيرك .. لو متأكد انه بيحبك ديما دور على مبرر لافعاله لازم هتلاقي.. مش معقول يكون بيحبك و عايز يوجعك.. حياتنا قصيرة اوي و للاسف مفيهاش إعادة متفوتش لحظة و انت مش مركز لانها لو عدت منك ممكن تبوظلك الحدوتة كلها وتفضل حياتك كلها مش مستمتع بيها.... من وجهة نظري اهم جزء مهم في اي علاقة حب انك ديما تقدر قيمتك جوى حبيبك وانك تستمتع بحبه ليك....

                                                                 النهاية

مارسيل خليفة وأميمة الخليل-1-أحبك أكثر

.من الذي حدد ان الحياة هي ساعات يقظة تتخللها ساعات من النوم.. ان حياتي هي احلامي لذلك حياتي هي ساعات نومي الذي هو عالمي الخاص .. يتخللها ساعات نضطر فيها مشاركة الجميع حياتهم ..

حياتك نهار ابتدا و مبينلوش آخر..
مش كل ما شمسه تزيد تفكرها فالآخر ..
و تمشي جنب الحيط مسًلم من الآخر.
أسعى يابن آدم ده ربك فرجه مالوش آخر ..
................................................
طيب ..
حياتنا شمس ملهاش نهايه..
و لسه بكره بنوره فرحايه..
ولو في يوم لقيت الشمس غرًابه..
متخافش يا بني مش في غروبها النهايه..
ده بداية قمر حياتك في سماك الجميله ..
والشمس دي كلها ما هي إلا تمهيده ..
أمسك قلمك و كل يوم أكتب كلمة بدايه

هل أنا موجود؟!!

 هل معنى إني ارى الطريق أمامي ممهدا اني انظر الى الأمام؟؟ غريبة هي هذه الدنيا كثيرون مشوا في طريقهم للأمام ثم اكتشفوا انهم كانوا عائدون لنقطة البداية .. كثيرا أسأل نفسي هل أنا موجود أم إني مجرد تجسيد لروح و أفكار. بمعنى هل نحن من نشعر و نتصرف بناءا على شعورنا أم أننا نجسد شعور هو أصلا موجود ؟! هل من الممكن ان تكون الحقيقة ان أرواحنا هي التي تتعامل سويا و أننا مجرد خيال غير ملموس؟! من المتحكم في من هل أنا من اتخذ القرار ؟
 لحظة لحظة.. هل من الممكن ان نكون مجرد أفكار تدور في عقل شخص ما؟! وأننا لسنا بشر؟ ماذا ان كننا ذكريات و ستنتهي ؟؟ ما هذا هل أنا مجرد منفذ لأفكار شخص آخر؟ أنا لست هنا أصلا؟ هل معنى ذلك ان حبيبتي هي أيضا ليست حقيقة و أن كلانا رهن تفكير شخص؟ ماذا ان حدث وانشغل بأفكار جديده و نسى أحدنا؟! و ماذا ان كننا مجرد ذكريات داخله و كانت النهاية قريبة؟؟! يا هذا اجبني هل أنا و حبيبتي مجرد ذكرى داخلك؟! لماذا إذن تتذكر حياتك في هيئتى أنا..فلتتذكر بشخصك أنت وهيئتك.. هيئتى؟!! ان كنت ذكرى فأنا أصلا هو أنت؟!!
  ما هذا الخبل الذي أقوله؟؟ ولكن مهلا هناك مصيبة أكبر ماذا ان كانت حبيبتي حقيقة و أنا مجرد فارس أحلام في عقلها؟ ولكن لا لا كيف هذا و أنا أعيش حياتي اليومية عادي و هي ليست موجودة.. ليست موجودة؟!! ولكنها تعرف كل ما أقوم به .. أم أنها من تتخيل هذه الحياة وأنا أجسدها .. لا لا ما هذا الهراء الذي أقوله .. هل معنى ان الطريق ممهد!!!!تبا لك يا هذا حتى ان كنت فكرة من أفكارك فلا تزاحمني مع أسئلتك العقيمة فلتترك لي مساحة من عقلك.. أريد ان أصل الى حل في تفكيري أم ان هذا أصلا تفكيرك أنت؟!! .. هل معنى ان الط....

 أشقاني التفكير في هذا الموضوع و اكتفيت بأني راضي ان أكون أي شيء ما دامت حبيبتي معي كل ما أتمناه ان لا يكون حظي أننا مجرد ذكريات حزينة في نفس شخص مجروح يمحينا من حياته يوم ان يستطيع....  

  خير لك من مجادلة من تختلف معه في الرأي ان تسعى لتتأكد من صحة معتقداتك ثم ان تسعى بعد ذلك لتصل الى نتيجة تظهر بها صحة قولك .. عندها ستختصر الجدال كله الى كلمتين(مش قلتلك)

 آخر ما تحتاج اليه ان تكسب جدالا أمام الناس بمجرد الكلام فبعد ان تكسب ستجد نفسك تحت دائرة الضوء من الناس من ناحية و ستجد مجادلك متحفز لإثبات خطأك من ناحية أخرى و هنا يصبح المشوار شاقا و يحتاج جهدا مضاعفا و ان لم تصل لنتيجتك التي وعدت بها حينما كنت تجادل فقدت مصداقيتك عند جماهيرك ولمع نجم مجادلك وان كان على باطل ..

 أعمل في صمت و اخرج بنتيجة معقولة تجد نفسك في المقدمة مبتسما و أنت تشفي داخلك الشعور بالثقة .. 

   لا تنسى ان تبدأ المشوار بالتأكد انك على صحة لربما تكن أنت على باطل و تتخيل ان صمت خصمك يعني انتصارك .. في حين يكون خصمك هو من ينفذ نصيحتي !!

أسطورة محمد محمود في عهد التحرير

 سبحان الله علينا نحن شعب مصر!! بنعايب على المشير انه ماشي بنفس ترتيب مبارك مع أننا إحنا برده ماشيين بنفسع ترتيبنا . كلنا مضايقيين و متضامنين مع التحرير ، وبعد أول بيان كلنا ننزل ، بعد كده خطاب مؤثر نبدأ نتقسم بعديه. طيب ممكن بقى نفتكر بقى ايه حصل في الآخر مع العلم ان الآخر ده لسه ماجاش.

لكل واحد بيقول دول بيخربوا و عايزين يروحوا الداخلية و الداخلية بدافع عن نفسها. أنا مش بهاجم تفكير حد بس أنا عايزكم تفكروا أننا بنتكلم عن جيش المفروض أنه مدرب على حرب ممكن نتخيل أنه مش عارف يفض اشتباكات في شارع؟!! ماهو لو مش عارف يفضها يبقى جيش فاشل ولا يصلح أنه يدافع عن بلدنا مش أنه يديرها ، ولو هو سايبها لغرض ما - و دا اقتناعي الشخصي- يبقى مصيبة .
النهادره تم رفع فيديو يبين محاولة الثوار تهدئة الوضع في شارع محمد محمود و اللي انتهت كالعاده بفشل المحاولة من طرف الداخلية http://www.youtube.com/watch?v=IiTUlRTtLP0&sns=fb
واللي بيحصل في الفيديو ده عايز واحد يبرر هما ضربوا خرطوش و غاز ليه؟!! دي الناس كانت بترجع التحرير. وبعدين هما ليه بيكلمونا أننا من بلد تانية لو خوفهم ان الثوار يهجموا على الداخلية يرجعوا يقفوا عند مبنى الداخلية ولما حد يروحلهم هناك يبقوا يقتلوه ساعتها محدش هيلوم عليهم، وبعدين ليه الكلام ده محصلش في يناير ؟ مع ان أكيد الوضع مع الداخلية كان أسوأ كتيير

بلاش التأثر بخطاب إنشا وتعالوا نفتكر خطاب مبارك واللي حصل بعديه . أنا عن نفسي أصبح الموضوع بالنسبة لي تار الناس اللي ماتت فالتحرير فرضا وأنا بقول فرض لأني شايف ان ده محصلش انهم عبروا عن رأيهم غلط.فأنا شايف ان المجلس كان في أيديه يحقن دماء المصريين بمليون طريقة، وبعدين ليه ديما بعد أي خطاب فيه سياسة (لموا الدور ) بيبقى في تصعيد زي قنابل الغاز الجديدة اللي استخدمت امبارح بعد الخطاب و هل دي صدفة؟!! يعني النوع التاني خلص في نفس الوقت مثلا؟!!
في وجهة نظري المجلس العسكري بيلعب بينا شطرنج يا مصريين و بيوجهنا حسب رؤيته واللي أنا دلوقتي مش بشكك في نوايا الرؤية دي ممكن تكون من مبدأ وطني وخوف على مصر مش شرط تكون نية سيئة ولكن أنا أرفض فرض رؤية معينة علي كإنسان، أنا من حقي أرسم مستقبلي باختياري. مشكلة المجلس أنه بيدير البلد باستراتيجية حرب زي جس النبض باخبار متقطعة و خدع حربية زي موضوع الاستفتاء من الآخر كأنه عايز يمشي البلد في اتجاه معين .

لو كل واحد فكر براحة هيلاقي وجهة نظره في كل الأحزاب والأشخاص أتغيرت في اليومين اللي فاتوا ناس كنت بتكرهم فجأة طلعوا رجالة والعكس. مثلا الواضح بالنسبة لنا ان الإخوان أصبحوا مثالا للخيانة و انهم بيدوروا على الكرسي وبس - مع إني مش من مؤيدي الإخوان- ولكن اعتقادي ان الجماعة التي طالما كانت مثالا للتنظيم والدهاء السياسي انها بالغباء أنها تعادي الميدان في هذا الوقت، أنا لا أعرف سبب فعلهم ولكن يساورني إحساس قوي أنه مخطط مدروس جدا. أيضا فجأة أصبح البدوي و موسى متحدثين و مفاوضين مع المجلس؟؟!! وفد و وطني؟؟! بين قوسين فلول بتفاوض فلول!! و أمثلة اللعب في الدماغ الفترة اللي فاتت كتيير أوي
في وجهة نظري دي لعبة من المجلس عشان يوجهنا لناس وتيار ضد تيار و بعدين يلا انتخابات حالا في وسط ما نص المرشحين طلع شكلهم وحش قدامك طب اختار بقى من النص الحلو اللي المجلس موافق عليهم و طلعهم بصورة الوطنيين .
يا جماعة دا مجلس وظيفته الأساسية يحط استراتيجيات حرب مابيقلوش كلمة مش مقصودة حتى لو كلمة بنتريق عليها بيكونوا قايلنها عشان نتريق عليها.
طبعا أنا عارف ان كلامي مش هيعجب ناس كتيير و بيني و بين نفسي أتمنى يكون غلط و خلونا نتعامل بمبدأ حرص و متخونش. الانتخابات في معادها و دا شيء جميل جدا ولكن خلونا نركز أننا ننتخب الأشخاص لأشخاصهم و ليس لتياراتهم التي هي تذبذب أمامنا في موقف اختل فيه اتزان الجميع. معظم المرشحين معروفين باشخاصهم عندنا في وجهة نظري أنا لو على معرف بفلان و أعرف أنه أهل لتمثيلي في المجلس ثم وجدته مرشح لحزب ما فيجب ان أكون واثقا في اختيار هذا الرجل و ألا أغير رأئي لمجرد أنه في الحزب الفلاني و اذهب لأرشح فلان الذي لا يصلح لمجرد أنه مرشح حزب كذا الذي ساعدنا في الميدان. دعونا لا نخلق حزب وطني جديد.

في نفس الوقت يجب ان لا نتنازل عن مطالبنا أو ان نرضى بقلبله كما تعودنا دائما. و ألا نفرح بسلسلة مواقف غير مجدية و غير مستمرة مثل تحقيق سريع و كبش فداء و تعويض. نحن نريد قرارات مصيرية مرضية تخطو بنا للأمام.

نعم مع البقاء في الميدان و لكن دعونا نضيع عليهم أي فرصة للإيقاع بنا في مصيدة الخطأ دعونا نلعبها معهم بذكاء الصقر ليس بغشم الدببة. ولكل من يقول أصبروا 7 أشهر و ان  لم يلتزموا نعود للميدان. عزيزي أنا كمصري لست مستعد ان أعود كل 7 أشهر لأضحي ب 50 شهيدا ولذلك فلن أوافق على إخلاء الميدان هذه المرة بدون حق شهدائنا.

أخيرا جزيل الشكر لمشايخنا( على حد قول التلفزيون المصري ) الذين توسطوا منذ ساعات لهدنة بشارع محمد محمود و ان كنت أظن ان هذا التوقيت أيضا لأنصياع الداخلية لمحاولات المشايخ ليس محضا للصدفة.

أيها المجلس الآن فهمت الفوضى التي خيرنا مبارك بينه وبينها و كان أسهل ان يقول ياأنا يا المجلس. يسقط يسقط حكم العسكر

اختلفت الأسباب .. و المشير واحد

التحرير.. البلطجية.. عيال هبلة.. خليكم قاعدين.. انسحاب قوات الأمن.. هجوم على الثوار!! حد بس بفكرني كده هو النهارده 19 نوفمبر ولا 28 يناير.. بقولكم ايه مفيش وقت نفتكر قوموا روحوا بسرعة قبل موقعة الجمل ولا يمكن من أجل التجديد المره دي تبقى أحصنه ولا حاجة!!

نفس سيناريو اللي حصل 25 يناير بيتكرر ؟؟ للدرجة دي إحنا بالغباء السياسي ده؟ يا عزيزي المشير القصة دي اتهرست في فيلم قبل كده كنت حاول تجدد يا فندم .

اللي بيحصل النهارده ده ليه معنى من 3 :

1- ان المجلس العسكري و حكومته من بقايا النظام السابق فعلا و من مبدأ العشرة متهونش غير على ابن الحرام .. فهما حاليا بيطلعو عين أهل ولاد الحرام اللي هما إحنا طبعا. و الحل ده أنا شخصيا أستبعده في موقف النهاده و إن كنت لا أستبعده بشكل عام

2- إن هذا مجلس عسكري لا يستطيع ادارة هذه البلد و إن الفلول والمندسين (على حد قولهم) بيعملوا معاه الدنيئه ، و دي برده مش مشكلتنا مادمت لا تستطيع حمايتي يا عزيزي المشير خليني اختار اللي يحميني ، و على الأقل اطلع واجهني و فهمني ايه اللي بيحصل وكفاية كذب و تزييف للحقائق ومدام يا سيدي الفلول أرهقوا القيادة. رجاءا أعطي السلطة لشخص يستطيع الشعب الثقة في مصداقيته

3- الحل ده هو تحليلي الشخصي للموضوع. إن السلطة حاليا مثلها كمثل طبق سلطة جامد جدا أتعمل في وقت صعب وبعدين نسينا نحطوا في التلاجة 10 شهور يا جماعة كتيير بردو فطبيعي أنه يعفن زي اللي قبله. مشكلة القيادة الحالية ( و أنا لسبب ما لا أعرفه لا أشكك في وطنيتهم) انهم تقريبا بيذاكروا سياسة من كتاب الحزب الوطني تقريبا كده أخدوه من مبارك وهو بيسلمهم العربية- قصدي مصر - قبل مايركبوها. فطبيعي انهم يسوقوا بنفس الغباء السياسي والفشل في امتصاص الغضب واتخاذ قرارات سليمة والبطأ الرهيب في كل شيء نفس السياسة القديمة مع افتراض النية الحسنة فيا عزيزي المشير إن كنت ستتعامل معنا بمبدأ إنما الأعمال بالنيات ثم تدهسنا. فاحب أقولك لو شبهنا النهارده بيوم 28 يناير فكلها 13 يوم و نقوم إحنا كشعب بطرد معاليك و حكومتك زي يوم 11 فبراير بالضبط وبرده يا فندم هيبقى مش قصدنا والله نيتنا طيبة 

أرجوك يا أيها المشير سيب أم كتاب مبارك وفكر بعقل مصري بلاش قرارات شبيهه بنظام ( يانا يا الفوضى ) بلاش تاجيل انتخابات و دستور ( نفس مبدأ الداخلية في يناير بتاع مش أنتو معتصمين طب مش شغالين. ليس من حقك أنت تعاملني بمبدأ الثواب والعقاب المفروض أنت من يخدمني وليس العكس ) و نصيحة أخيرة لو كان حسني مبارك رمى الكتاب في آخر خطاب له و طلع أتعامل معانا بالبلدي كان زمانه دلوقتي بيتعملوا ميدان بل ميدان التحرير

عزيزي المشير أرمي الكتاب و حاول تلحق الموقف قبل ان يهل علينا سامي عنان بخطاب يعلن فيه تنحي سيادتك و ساعتها صدقني لن يرحمك مصري واحد

ويا مصريين مش وقت سلفيين و إخوان و علمانيين دلوقتي ولا وقت القاء اتهامات ومين وقع الميدان و مين البطل كلنا مضحوك علينا ومازلنا في نفس المسرح السياسي الهابط. أيا كانت الأسباب فالنتيجة واحده انسف حمامك القديم ثم فليأتي أي رجل شريف بأي اتجاه يوقف البلد دي على رجلها حتى ينظف المسرح و حينها فقط نستطيع إن نسير في خطوات مفهومة و نعطي فرصة للجميع لإظهار كفاءتهم و نبطل نشوف مواقف نسأل بعدها الناس دي بتفكر ازاي كل ما نحتاجه رجل صريح و شريف يسرد لنا الوضع بشفافية ويشاركنا الرأي لنتحمل جميعا الموقف سويا 

عزيزي المجلس العسكري لن اجادل في حمايتك للثورة السابقة. شكرا يا فندم. بوسه كبيرة و حضن كبير. مع السلامة

لو كل واحد اختار حبيبه صح مكنش حد عرف يعني ايه حب أصلا. الدنيا فيها اختيارين واحد صح تعيشه وواجد غلط تقارن بيه عشان تحس بقيمة الصح. الفكرة في السعادة هي فكرة الترتيب. للأسف ربك بس هو اللي مرتيبها

خواطر مصرية

مشكلتنا كمصريين في اننا مش قادرين نفهم اننا فضلنا  30  سنه تحت مخطط لتفريق اصواتنا وتربية الشك  جوانا و الغاء مبدأ الحوار بيننا وكننا عايشين مغيبين بلا رأي أو فكر . كانت النتيجة بعد الثورة ان كل واحد فينا مقتنع تماما أنه صح و أي حد غيره بفكر مختلف غلط. لازم نحاول نستوعب وجهة نظر وظروف اللي قدامنا قبل مانحكم عليه. كمان لازم نفهم ان اختلاف وجهات النظر أو وجود اكتر من اتجاه و منهج حياة مش هيضرنا. إحنا معندناش مرجعية اختيارات لأننا مجربناش غير طريقة حياة واحدة كان مرفوض فيها حتى أننا نفكر هي صح ولا غلط. لازم نعيش كل التجارب عشان نعرف ايه أنسب تجربة لمصر. و راعي ديما ان زي مانت شايف نفسك صح طبقا لظروفك ومطلباتك اللي قدامك برده كده. الأكيد أنكم الاتنين بتحبو البلد دي ومش عايزين غير عيشة محترمة في بلد يحترمه العالم. خلونا نسمع بعض ومنشككش في نوايا بعض كلنا عيشنا وتربينا على أيادي نظام استعبد روح شعب كامل. مش يوم ما نرجع حقنا نثبتلهم ان تربيتهم نجحت وأننا هنكمل تشويه في البلد دي. الوقت دا مش محتاج اكتر من ان كل واحد يقوم بدوره في البلد دي زي ماهو مطلوب منه. أكيد ساعتها هنلاقي البلد حالها بقى أحسن كتيير. 

ولازم نفهم أن مش من حق أي حد أنه يفرض رأيه أو أسلوب تفكيره على غيره. لكن حق كل واحد فينا ان كل اللي حواليه يحترموا تفكيره ومنهجه في الحياة مادام لا يتعارض مع المصلحة العامة. محاولتك لفرض تفكيرك على اللي أدامك هي تفس طريقة هيمنة النظام السابق على تفكيرنا ومش هيوصلك في الآخر غير لرفض تام ليك و لكلامك حتى لو صح. تقدر تقول ان مصر كلها دلوقتي قافشة و مش هتيجي غير بالتفاهم والحوار و أي طريقة تانية هتكون مرفوضة وفاشلة 

كلنا مصريين.. وكلنا لسه بنتعلم يعني ايه حريه و كرامة.. خلونا نمشي اول خطوتين مع بعض بدل مانشك في حبنا للبلد دي  

و مازلت أنا هو أنا. تتغير المعطيات والنتيجة واحده فأنا من أبرهن ومن يقتنع بالخطوات و من يحكم ان النتيجة صحيحة فلماذا أعيش بمسلمات وضعها انسان آخر وفقا لمعطياته هو. ساخلق لنفسي مثلث حياة بأربعة أضلاع واجعل هذا أول مسلماتي. مثلت بأربعة أضلاع تلك هي حياتي

عايز تعيش صح. تخيل انك هتموت بكرة واعمل كل حاجة في يومك على الأساس ده قرب من ربنا والحق أعمل كل اللي بتحبه وكلم أي حد أنت متخاصم معاه وصالحه وقولوه واحشنى. خاللي بالك متسيبش حاجة لبكرة جايز جدا يكون النهارده آخر يوم بجد 

أنت اللي بترسم حياتك و ربك وحده بس عارف رسمتك أرسم خضار، أرسم بحار، أرسم قصور، ان شاء الله حتى ترسم صخور. بس وسط كل دا أوعى تنسى ضحكتك ،وتفرح ناس حبتك وعاشت مستنية تشوف رسمتك. أرسم حياة وأحلم ببكرة لسه أحلى ما في الرسمة ماجاش ولسه الحلم منتهاش

حياتك أشبه ما يكون بالساعة ومواقفها هي ساعاتها وتفكيرك في هذه المواقف هو عقاربها أعلم ان أول ساعة في التفكير هو قمة الخطأ وبمرور العقرب على الساعات تقل قيمة الخطأ ويزداد الصواب ولكن احذر ان تتأخر في تفكيرك حتى يصل العقرب لآخر ساعة في الصواب هنا تعود مرة أخرى للخطأ. ملخص الكلام آخر خطوات الخطأ هو بداية الصواب وآخر خطوات الصواب بداية للخطأ فكن وسطيا في كل تفكيرك لاتتعجل ولا تتأخر ..

لا يوجد شئ في الحياة يسمى الشخص المثالي تلك المثالية هي مجرد حجة تضعها لنفسك لتبرر عدم استطاعتك فعل المثل. أنا مثالي في عالمي لأني أفعل ما يجعلني استمتع بها. لا تقارن نفسك بأحد فربك خلقكم اثنان لو أراد صفات أحدكم هي السائدة لخلقكم شخصا واحدا فاشكر ربك على وجودك و كن أنت.

ترفًع عن مجادلة سفيها أخطئ في حقك فحتى نظرات الناس لك انك تنازلت عن حقك أفضل كثير من الهمزات واللمزات التى ستجناها من وراء المجادلة

the best motivation in the world is to learn how to motivate yourself to be ( yourself remembering ur ex yourself smiling and say thx GOD to be myself )

الجواز ما هو إلا مرحلة انتقالية بين أنت راجل برنس إلى عملت في نفسك كدا ليه ياأهبل. ففجأة يصبح البرنس أهبلا 

الفرق قبل الزواج وبعده : - الرجل قبل الزواج يأخذ مصروفه من أبوه وبعد الزواج يأخذه من المدام
- الهانم كده كده بتأخذ من كل اللي حواليها مضافا اليهم المسكين بعد الزواج

الحكيم ما هو اللا رجل استطاع ان يرتب أفكاره ويحكم على الأمور بموضوعية دون تدخل من مشاعره فصنع لنفسه كاريزما خاصة به.

عندما تبكي لظلم جاء بك تأكد ان دموعك على ربك غالية. فبكاء يعقوب أتى بيوسف ملكا.

I Quote

حياة..رسمة..بكرة ..أنا..حلوة..صعبة: كلمات تشكل دنيا أي واحد فينا. المهم نرتيبها صح.عن نفسي:أنا رسمة صعبة لحياة بكرة حلوة. أنت ايه؟

miss u :)

This distance is tearing me apart. 

I wish I knew the path to your heart. 

I'm so sick of feeling alone and sad. 

I hope everyday I won't be so bad. 

But all I remember when I wake, 

Is when you said this distance was fake. 

It was necessary, like taking it slow. 

Maybe it is, but it is hurting me so. 

You said it's harder for you than me, 

Oh if you could only see. 

I look like I'm dying, there's no life left. 

I try to deny it, but you've made the theft. 

My heart is yours, my life, my soul. 

I wish I knew if you're gonna fill this hole. 

You said don't be pessimistic, just hold on. 

But I can't help but think you're forever gone. 

Oh can't you see how this is killing me inside. 

It's like no other pain before, and I have to hide. 

I can't breakdown, I always have to lie. 

That there's no meaning behind every sigh. 

Everyday I have to pretend. 

That my thoughts aren't hard to fend. 

And as I sit here taking it, each and everyday, 

I await your answer and what you will say.

اصل انا و صاحبتي !!

مبدئيا أحب اوضح ان المقال دا يعبر عن رأي شخصي جدا بغض النظر هو صح ولا غلط..

اصل انا وصاحبتي كنااا.. مش عارف ليه اول مابسمع الجملة دي بتقفل من تكملة الكلام بحس انها جملة مش تبعنا كدا .. الغريبة ان معظم الشباب بيستخدموا اللفظ دا (صاحبتي) والمقصود بيها هنا البنت اللي هو مرتبط بيها .. كنا زمان – وزمان دا اللي هو من سنتين مثلا :D- بنقول كلمة صاحبتي دي على البنت اللي احنا ماشيين معاها لكن مفيش حب فالموضوع وهنا كانت الكلمة مقبولة.. لكن دلوقتي بقينا بنقولها على البنت اللي احنا مرتبطين بيها واللي ممكن تكون مراتك في يوم من الأيام.. لسبب ما بحس ان الكلمة دي بتقلل من قيمة البنت اللي بتتقال عليها مش عارف ليه بس هو انا اتربيت كدا .. المشكلة ان الجديد بقى ان البنت لما تيجي تتكلم عن الشخص اللي هي مرتبطة بيه بقت بتقول (صاحبي) طب و هو انا حدورلك على مصلحتك وانت يعني اللي مش عرفاها .. وأنا مالي صاحبتي صاحبتي .. مدام عجباكي خلاص..

خلونا فالمبدأ اصلا بقى .. هو صح اني ارتبط بولد من غير حاجة رسمي ونفضل فترة نتعرف على بعض وبعد كده نحب بعض ولو في نصيب يبقى في حاجة رسمي؟؟ طب ماهو ممكن يكون بيضحك عليا وبعد شوية يسيبني بعد ما كل الناس ما تعرف اني كنت (صاحبته) .. لأ الأول يبقى في حاجة رسمي وبعد كده اقرب منه.. طب يابنتي مانتي كده ممكن بعد ما الناس كلها ماتعرف انك اتخطبتي ماترتحيش معاه وتسيبوا بعض وساعتها برده الناس حتجيب في سيرتكم كتيير.. مش مهم بس ساعتها يبقى اسمى كنت مخطوبة و قدام الناس كلها .. هي وجهة نظر برده وتحترم بس هو المهم فالموضوع رأي الناس والناس حتقول ايه وخلاص؟؟!!

ايه المانع اني احب بس احافظ علي صورتي وشكلي قدام نفسي قبل ما ادور على شكلي قدام الناس؟؟.. ممكن تقربي من اللي تحسي انه يستاهلك وتحبوا بعض وتفهموا بعض بس من غير تنازلات.. يعني مش لازم حبنا يبقى مشاع للكل ومش لازم كل الناس تبقى عارفة لأن انتو مع بعض عشان تعيشو دنيتكو انتو الاتنين و بس مش عشان الناس تتفرج عليكم.. دا مش معناه اننا نعيش في رعب ان الناس تعرف لكن مجرد الحرص على المنظر العام والتعامل في حدود الاحترام والقواعد البسيطة اللي كلنا اتربينا عليها حيخلي الناس تحترمنا حتى لو عرفوا الموضوع .. ودا الفرق بين تعليق الناس على اتنين دول متصاحبين او الاتنين دول بيحبوا بعض.. اعتقد ان اي بنت حتحب تبقى في الاختيار التاني لأن حتى لو حصل والموضوع مكملش اسمك كنتي بتحبي فلان ودي كلمة متقللش من قيمتك في اي مكان..   نصيحة لكل بنت احكمي على الشاب اللي انت مرتبطة بيه بمفدار خوفه عليكي من كلمة او نظرة من الناس ممكن تجرحك ..اللي يقبل انه يحط البنت اللي معاه في موضع يخلي الناس يتكلموا عليها هو نفسه مش حيقبل انه يخليها ام عياله.. التنازل في الحب ممكن يكون في طلبات , في مستوى اجتماعي معين  لكن اساس الحب الحفاظ على المبادئ ودي مفيهاش تنازلات.. الفكرة مش في ارتباط رسمي  ولا صحوبية ولا حب , ساموها زي ماتسموها المهم نختار صح و نمشيها من الاول صح عشان منديش حاجة لحد ميستهلهاش .. الحب مش منظرة قدام الناس , الحب دا دنيا جديدة بيبنيها ويعيش فيها اتنين بعيد عن كل الناس المهم يكونوا مرتاحين فيها  ومحافظين فبها على بعض ......

كتابات قديمة تعليقا على اقتحام سفارة اسرائيل

في اي مليونية من مليونيات الغضب عند حدوث أي شغب يكون أول تعليق نسمعه ( دول مش الثوار دول بلطجية الداخلية ) .. هذا يعتمد على مفهوم كلمة الثوار بالنسبة لك.. هل هم فقط من يثوروا طلبا للحقوق مع مراعاة القواعد والأصول؟؟.. للأسف هذا المعنى غير موجود عند فئة من فئات الشعب وهي الفئة التى تبرت في معاناة وقمع وتحت ظروف خلقت منهم اشخاص لا يعترفون إلا بمبدأ القوة والهمجية للحصول على حقوقهم.. هؤلاء كنا نراهم قبل الثورة في الخلافات داخل السوق اة في المواقف العامة اوحتى في الشوارع تجدهم يخربون بلا هدف او معنى لدرجة ان الشخص منهم لو كان له حق اضاعه بطريقة التعامل مع الموقف..

لا نستطيع اللوم على هذه الفئة فنظام مبارك البائد كان يعملهم انهم نكرة لا وجود لهم و ان اهانتهم شئ طبيعي داخل الاقسام و امن الدولة ليخرجوا بعد ذلك ناقمين على كل ما حولهم مفرغين هذه الاهانة في عوام الناس.. لا نتوقع منهم ان يصبحوا فجأة واعيين ومدركين ان كل هذا انتهى ونطلب منهم ان ينسوا كل ما عانوه ويجب ان نتفهم ان هؤلاء داخلهم غل وشحنة سلبية تضاعفت مع غياب كرباج الظلم الذي طالما كانوا يخشوه ويجب ان نصبر على هؤلاء حتى يعتادوا الموقف الجديد.. مغزى الكلام أن حادث مثل الاعتداء على مبنى الداخلية ليس بالضرورة ان يكون القائم به بلطجية الداخلية وغنما من الممكن ان يكونوا هؤلاء ممن تحدثنا عنهم والذين يخربون لمبدأ التخريب وليس اكثر..

في نفس الوقت نجد ان الشرطة ايضا ما زالوا لم يستوعبوا ان العصر الفاسد انتهى وانهم يجب عليهم ان يدركوا ان هناك عصر جديد من العدالة والحياة النظيفة قد بدأ.. بالعكس نجدهم يعاملونا مبدأ ( لوي الدراع)  نفس الاسلوب الذي اتبعوه أول ايام الثورة وكانهم يقولون لنا ( مش انتو شايفنا وحشيين طيب احموا نفسكم انتوا بقى) لكن هذه المرة دبروها بذكاء حيث اعلنوا الامس انهم لن يتدخلوا اليوم باي شكل من الاشكال وهم واثقيين تماما ان مثل هذا التصريح سوف يداعب الهمجية الساكنة داخل نفوس من تحدثنا عنهم لنجدهم اليوم بين الثوار المحافظين.. نحن لا نستطيع ان نشكك في حبهم لوطننا ولكنهم لا يستطيعون توظيف هذا الحب بالشكل الصحيح..

نفس اسلوب الالهاء القديم نجد الهمج يحرقون مبنى الداخلية فيسرع باقي الثوار لتهدئتهم والدفاع عن شرعية اليوم والثورة متخلين عن مطالب المليونية الاساسية .. الموضوع اشبه بانك دخلت وزميل لك تطلبون حق لكم من مديركم فتطاول عليه زميلك بالضرب فبدأت ان تدافع عن المدير ليس خوفا عليه ولكن لانك تعرف الاصول جيدا.. وطبعا م ان ينهي الموقف لتجد مديرك يبكي وتجلس انت متعاطفا معه ناسيا ما كنت تريد طلبه..

اختلفت السلطة هذه المرة مع نظام مبارك في انها كانت اذكى فبدلا من تكبد مشقة البلطجية المؤجورين اكتفوا بتحضير روح الهمجية وجلست تتابع الاحداث بهدوء.. ولكنهم نسوا ان يحترموا عقلية الشعب الذي تربى على دهاء مبارك وفهموا جميع الاعيبه التى ورثها لنا طيلة 30 عاما كما ورثها لهم تماما وحتى الان هم ليسوا قدرين على استيعاب المثل الشهير ( مبروم على مبروم ميلفش)

هم الان سيحاولون ان يستدرجونا –كما فعل المدير- لنتعاطف معهم و الاحرى بهم ان يستدرجونا لاحترامهم والثقة بهم بعدم الالتفاف حول رغباتنا واحترامنا كشعب ارهقنا النظام الفاسد ولنا الحق ان نعيش الان مرفوعي الرأس..

إن كنا سنتعاطف معكم يا داخلية العادلي فأولى بنا ان نتعاطف مع من نقول عنهم همج لان لهم المبرر الذي جعلهم كذلك من قهر و اهانة ومعاملة سيئة طيلة ثلاثين عاما.. نحن نشفق عليكم لانكم حتى الان لم تستوعبوا ان عصر العادلي انتهى بكل ما فيه من ظلم وتعالي و ربَى فيكم روح الكبر والغرور حتى نسيتم انكم من تخدموا هذا البلد وليس العكس

كفانا مهاترات وحركات صبيانية والتفاف حول إرادتنا .. ولتراعوا الله في هذا الوطن وفينا ...

حكايتنا خلصت

النهارده خلصت ما بنا الحكاية 

هصحى بكرة افتكر كل الرواية 

يوم ماجتلك اطلب قرب معاليكي 

ويوم ما عشقك كان كل املي ودوايا 

يوم بعادنا سألتي زعلان مني؟ عادي مش فارق معايا 

حتفرق ايه وانتي اصلا مش معايا 

ناديت كتير ممكن تحسي بهوايا؟ 

قصة هوانا اللي خوفك كان هو قاضيها 

قاضي ظالم ضيع أجمل ما فيها 

كنت راسم لبكرة رسمة كل اللي عايزه تشوفيها 

رسمة ايه ؟ اللي بايديك شخبطتي عليها 

النهارده حلمي في نومي حيبقى كله عنك 

بس بكرة وعد مني لما اشوفك حضحك في وشك 

و عادي جدا نمسح الرسمة ونكتب احلى تمثلية 

تمثلية حب نهايته كانت قبل البداية 

بس وعد يوم ما تبكي على حبي اللي ضاع 

يومها ماحتلاقي مني غير بس كلمة وداع 

شايفك بتضحك مش مصدق قسوتي 

وعارف انك يوم ماترجع حتلاقيني قاعد بلون رسمتى 

ومستنيك عشان تيجي وترجع بسمتي 

اصل حبك غصب عني مش بايدي يا ملاك

انا الغلطان

 وقابل حد يسألني سبتوا بعض ليه؟ 

أضحك وأقولها في سيري هي اخرة الحلم دا ايه، 
مش حصحى وأكلم حبيبي وأحكيلو حلمت بأيه، 
قابلت حبيبي في حلمي سألته مكشر ليه؟ 
قاللي وأنت ليه بتسأل حتفرق معاك في ايه؟ 
دنا كل مقابل حد يقوللي خلاص أنت هنت عليه، 
بنسأله سابك ليه؟ بيضحك و الفرحة مش سيعاه، 
اتاري الحلم ماهواش حلم و ضحكتي أتفهمت بنسياه،
اعيش ازاي في بعدك و تسوى ايه الحياه؟؟

لحظة هو انتي بتحاسبيني؟؟!! مين فينا اللي غلطان

 ايوة انا الغلطان في حبك لما اديتك امان

امنتك على ضعفي لعبتي بيا نشان

ويوم ما نشانك خاب طلعتيني انا التلفان

انا اللي هنت نفسي ودمعي عليكي هان

و بقيت فرجة ناسك  يشاوروا على الولهان

ناسك اللي حكولك عني مشفوش غير ضحكتى ؟؟!!

مصعبتش عليهم لما شافوا نظرتي؟؟

نظرة متيم بحبك  وانا مجبر على وحدتي

نهيتي بايدك قصة وشكرا على حريتي

انا مش هبكي عليكي انت ارخص من دمعتي

بتضحكي؟؟ لأ دي مش دموعي

ارجوكي ارحميني وحسسي بقلبي بين ضلوعي

معرفتش غير اكون عشانك وانت  مكنتيش عشاني

سيبني وامشي وانا هاكتفي بملكة في  احلامي

 النهارده اخر ما بينا هسيبك واقولك يلا سلام

النهارده اخر ما بينا هسيبك واقولك يلا سلام

وان في يوم اتقابلنا حعمل نسيتني  الايام

سلام